Category Archives: Øygarden

Oppdatert trafikkinformasjon – Sykkel-VM i Øygarden

Laurdag 23. og søndag 24. september går ritta frå Rong.  Det vil vera store avgrensingar på tilkomsten til området rundt rådhus, sjukeheim, ungdomsskule og Rong senter medan sykkeltraseen er stengt.

Trafikkavvikling i Øygarden 23. og 24. september
Laurdag 23. september:
Rittet startar kl. 09.30 frå Rong. Traseen Rong- Sotrabrua er stengt kl.08.45 til kl.11.30.

Søndag 24. september: 
Rittet startar kl. 10.05 frå Rong. Traseen Rong- Sotrabrua er stengt kl. 09.15 til kl.12.30.

Bruk gratis shuttlebuss til Rong og heiasonane mellom kl. 07.00 / 07.30  – 16.00
• Knappen – Rong tur/ retur – Første buss går kl. 07.00
• Tjeldstø – Rong tur/retur – Første buss går kl. 07.00
• Kollsnes næringspark – Rong tur/retur ( her er det ca 1000 parkeringsplassar) Startar ca kl. 07.30

OBS!

  • Vi har ein minibuss som er spesielt tilrettelagt for rørslehemma og rullestolar – det kan evt. verta noko ventetid.
  • Bussar som ikkje er turbussar, kan ta barnevogner og rullestolar i tillegg
  • Nokre av bussane er ekspressbussar.

Parkering:
• Laurdag og søndag frå kl. 07.00: Handicapparkering på Kulturhuset – Rong: Ved framvising av godkjent parkeringskort for funksjonshemma
• Laurdag: frå kl. 11.30: Grusbanen ved Blom bensinstasjon
• Søndag: frå kl. 12.30: Grusbanen ved Blom bensinstasjon

Bubilparkering:
Gratis bubilparkering på Rongesundskaien og i Kollsnes Næringspark
Tømmestasjon for bubilar i Oen på parkeringsplassen for Kystmuseet i Øygarden

Fleire stengte vegar inn mot Bergen i tida 08.30 – 19.00 – 21. – 24. september
Fram til Sykkel-VM er avslutta søndag 24. september vil det fortsatt vera stengte vegar og gater. Dette kan variera frå dag til dag. Hald deg oppdatert på informasjonssidene.
Eit godt alternativ er å parkera på Sartor senter og reisa kollektivt inn og ut av Bergen. Det  går shuttlebuss frå Straume til Bergen busstasjon kvart 20. minutt. Eit anna alternativ er å reisa før og etter stenging.

Opningstider butikkar, boder og bibliotek på Rong:
Laurdag 23.09:
• Boder: kl. 08.00 – 15.00 / kl. 18.00 – 22.30
• Butikkane: kl. 08.00 – 17.00 – Matbutikk til kl. 20.00
• Biblioteket: kl. 11.00 – 15.00

Søndag 24.09:
• Boder: kl. 08.00 – 16.00
• Butikkar: kl. 08.00 – 17.00
• Bibliotek: kl. 11.00 – 15.00

Meir informasjon finn ein på:
Trafikkavvikling: sykkelivest.no
Sida til Bergen2017: https://bergen2017.no/trafikkavvikling/
Busstransport: https://www.skyss.no/Rutetider-og-kart1/sykkel-vm/

 

Planlegg for Sykkel-VM

Sykkel-VM er i full gang, og laurdag og sundag går dei to siste ritta med start frå Rong før ryttarane syklar gjennom Fjell før målgang i Bergen.

Det vert sett opp ekstra bussruter i samband med Sykkel-VM

Dette får konsekvensar for trafikkavviklinga for heile regionen. Merk deg dette:

  • Laurdag den 23. september vert hovudvegen mellom Rong og Sotrabrua stengt frå klokka 08.45 inntil tre timar.
  • Sundag den 24. september vert hovudvegen stengt frå klokka 09.15 og inntil tre timar.
  • Merk også at i dette tidsrommet er det ikkje lov å køyra inn på Vestsidevegen og Bildøyvegen (Fjell).

Vi oppmodar folk til å la bilen stå og nytta kollektivtransport, sykla eller å gå desse dagane. Skyss har sett opp ekstra bussruter.

I regi av Fjell og Øygarden kommune er det sett opp bussruter til arrangementssonene laurdag og sundag. Sundag går det båtrute mellom Ågotnes og Bergen (første rute frå Ågotnes kl. 14.00).

Les meir på nettsida www.sykkelivest.no

 

 

Velkomen til MOT-arrangement laurdag kveld

Øygarden kommune inviterer heile regionen til Rong på MOT-arrangement laurdag kveld.
Her er alle velkomne; frivillige, ungdommar, foreldre og tilreisande frå alle kommunane i vest: Fjell, Sund og Øygarden.

 

 

 

 

 

 

 

 

 

 

 

 

 

 

 

 

 

 

 

 

 

 

Det vil vera god plass til parkering på plassen ved sida bensinstasjonen på Rong.
Kom og ver med på ein fantastisk flott VM-kveld i Øygarden!!

 

Velkomen til ein trillande musikkfest

Torsdag 21. september kl 18.30 blir det lukkeleg massevelt i ein trillande musikkfest i og utanfor kultursalen ved Fjell rådhus på Straume!

Over 100 talentfulle elevar frå kulturskulen i kommunane Fjell, Sund og Øygarden markerer Sykkel-VM i regionen med framsyninga «Vi triller».

Det blir trolldans framført av elevar frå kulturskulane Fjell og Øygarden sine dansegrupper.
Idè og koreografi av: Anett O. Skansen (dramalærar) og Claudia Micheli (danselærar).

Fleire bilete frå trolldansprøver

Gratis inngang, null doping, ekstreme temposkifte, vel møtt!

Regi: Yvonne Algrøy

Finn fram vikingen i deg!

Fjell kommune har fått løyve frå Guinness World Records, og går for verdsrekord i flest utkledde vikingar samla på ein stad. Gjeldande rekord er på 250 vikingar. Vi delar ut gratis materialpakkar til alle som vil vera med. Her finn du skisser og instruksjonsvideo for utarbeiding av vikingdrakter. Legg vekk barberhøvelen og finn fram saueskinnet!


Foto: Team Foto Bergen.

Vikingane inntek Straume under sykkel-VM laurdag 23. og søndag 24. september. Det blir vikingmarknad heile helga med høg trivselsfaktor ispedd dramatikk. Kler du deg historisk kan du vera med å skapa dobbelt verdshistorie på søndagen, etter at syklistane har sust forbi. Om du ikkje har ei vikingdrakt liggande, så kan du få hjelp til å laga ei sjølv.

Lag di eiga vikingdrakt – gratis!

Det var workshop på kveldstid tysdag 12. september på Fjell ungdomsskule, og onsdag 13. september på Tranevågen ungdomsskule. Heidi Gallefoss, lærar ved Fjell ungdomsskule har utvikla dei flotte oppskriftene på vikingdraktar. Hedvig Einen og Renate Strønen (lærarar ved Tranevågen ungdomsskule) har også vore nøkkelpersonar i dette prosjektet.

Bilete frå workshop

Henting av materialpakke:

  • Måndag 18. og tysdag 19. september: Fjell rådhus kl. 09.00 – 17.30
  • Onsdag 20. september: Stand i Glassgården, Sartor Storsenter kl. 11.00 -20.00

Materiale til vikingdrakt og symaskiner tilgjengeleg i Fjell folkeboksamling:

  • Torsdag 21. september kl. 15.00 – 19.00
  • Fredag 22. september kl. 11.00 – 16.00
  • Laurdag 23. september kl. 10.00 – 15.00

Oppskrift på vikingdrakt og tilbehør:

Video – Lag di eiga vikingdrakt

Om verdsrekordforsøket

Vi legg snart ut ein instruksjonsvideo som viser korleis ein skal gå fram for å lage vikingdrakt basert på materialpakkane vi tilbyr. Det vil også vera mogleg å laga si eiga vikingdrakt under marknaden på laurdagen. Sjølve verdsrekordforsøket blir rundt klokka 11.30 på søndagen, men vi håpar at mange vikingar er med å heie når syklistane passerer litt etter 10.30.  Alle som er med på verdsrekordforsøket er med i trekninga av flotte premiar. Førstepremien er ein vikingbursdag for inntil 20 barn, i regi av kultureventfirmaet Tidsreiser. Du kan elles vinne kinobillettar til heile familien og fine handverksprodukt som vikingsmykke, tresverd og nålebundne produkt.

Her finn du oppdatert program og meir informasjon om vikingmarknaden og verdsrekordforsøket.


Foto: Team Foto Bergen.

Krav til drakt

Slepp fantasien laus og finn fram vikingen i deg! Mykje, men ikkje alt er lov, sett i lys av Guinness World Records sine krav til drakt. Det er fleire alternativ til kostyme, og det er ikkje slik at det er absolutt autentisitet som tel. Hjelm med horn er til dømes lov. Hovudregelen er at ein skal ha noko på seg på hovudet, overkroppen og underkroppen. Sverd og øks, smykke eller anna type drakttilbehør er valfritt, og fottøy er heller ikkje eit krav. Husk elles at vikingane likte fargar – raud og blå var særleg populære fargar. Men unngå neon og pastellfargar. Hårprakt i dei aller fleste variantar er lov, så ei flette i skjegget eller i det lange håret er heilt på sin plass.


Foto: Kulturavdelinga, Fjell kommune.

Sjå her for meir informasjon når det gjeld henting av materialpakkar og oppskrifter/instruksjonsvideo, samt dei gjeldande draktkrava frå Guinness World Records.